regalo - pahamot

Agom na Baye:  Agom, ano daw lamang an regalo mo sako, Valentines na baga.
Agom na Lake :  Aw igwa siempre - may binakal na ako.  Pahamot -iyan baga an kaluyaan mo bako?
Agom na Baye:  Wow!  (Sabay hadok sa agom)  Anong brand?
Agom na Lake:  Downy  -

Nag-aagop  :-)

regalo

Agom na Baye:  Agom, ano daw lamang an regalo mo sako, Valentines na baga.
Agom na Lake :  Aw igwa siempre - may binakal na ako.  Pahamot -iyan baga an kaluyaan mo bako?
Agom na Baye:  Wow!  (Sabay hadok sa agom)  Anong brand?
Agom na Lake:  Downy  -

Nag-aagop  :-)

Si Clara

Si Hermana may bagong trick kun pa'no pumundo an aki niya sa sobrang kalwag - titaraman sanang "gusto mong ba'guhon ko an ngaran mo gibuhon kong Clara"?
Minahipid baga ---

timbang

‎"Oi Madam, overweight ka po!" - sabi kan attendant.
Simbag ni ma'am - "Oi, oi dai magtaram kaan. Bako ako overweight, underheight sana!"

An Eksamen

Nagmata akong atab asin nagtaksi pasiring sa destinasyon.  Humana sa King's Court II.  Naglaog akong may pag alang-alang sa boot.

Sa pangatado ko  kan blusang puti napagkamalan akong doktora kan sarong parokyano.

Enot siempre su pinakahabo' kong parte - an magkuang weight buda height.  Haisst confidential baga ini....Sinabihan nang bako akong overweight.  Underheight sana...

Sunod sa Laboratory - dakulaon na dagom.  Namiyong akong itinusok an dakulang herengilya asin biyong nagtutuprik su dugo hale sa sakong takyag.  Pakakuang dugo dangan an hapot " haen su laog kan bote mo?".    Simbag ko man sa tataramon na Tagalog -" garapon ngani kuta' na an.  Ugaring maski anong gibuhon pag medyo stressed dai baga nagpaunra lamang.  Nasupog gayud.  Sa sunod na sana".  Asin an daing katapusan na hapot :suarin su last day kan bisita"...

One on one sa doktora - may highblood?  Dai!  May sa puso?  Dai!  May nagkukulog?  Dai!  May diabetes?  Dai!  May bugon?  Dai!  May nagagatol?  Dai!  May bukol?  Dai!  Gari na gayud magtaram su doktora - "Nata ta yaon ka digdi?"

Sunod ka na Madam sa Xray.  Sunod sa ECG.  An hudyan maghalat halat - sa mammogram.  Su poise ko!  Poise!  Saro ini sa mga nakakaraot kan sakong kamada.  An magsu'nad kan daghan asin hihigutan kan turnilyo.  Baa nang kulog!  Asin ta kung pagsinala bibutong na, piplanudo pa... masakit na nakakawara kan pagkababaye.  Duwang shot na parehong atubang.  Duwang shots na tagilid.  Alagad --- huni an pahabol ni Miss paramammogram - "Hay maam huwag munang magbihis, uulitin natin di napasabay ang kili kili"...  waaaaaaaaaaaa  :-(

Ini an sakong Physical Exam ---

Magdiskarte Sa Buhay

Difisil an mabuhay.  Magastos.  Lalong difisil an magadan.  Mas magastos.

Alagad maski nagtitios natural sa  sato an pagdiskarte kun pa'no malampasan an sarong agyat kan buhay.

Uya an istorya.  Totoong nangyari sa sadiri kong baryo - .  May nagadan  na taga Polangui.  An hagad kan gadan ba'go maotsan darahon siya sa Polangui asin duman ilobong.  Si Popoy maboot na manugang nag-isip kun pa'no mapaunrahan an saiyang panugangan sa saiyang kahagadan - aram nya baya na pwedeng mag-alburuto an gadan kun dai masunod an kahagadan.  Baad siya multohon - takot sana...

Siempre dinara  ni Popoy an gadan sa Polangui sa paaging kaya niya.  Nadesisyun sinda kan  saiyang agom na ibyahe sui mantang medyo mainit init pa an lawas.

Si Popoy tatao man sana magmotor ilinunad su gadan - isinu'nod sa motorsiklo. Pinatahaw - inipit sana ni Popoy asin kan sarong lalaking hinuron niyang kairiba .  Segun ki Popoy magabaton palan an gadan....

Tiwi pasiring sa Polangui via Sabluyon.  Naniromsirom na kan ini ibyinahe  - tanganinig dai mamalisyahan na gadan.  Pagabot sa kaalang-alangan kan Sabluyon naraot su motor.  An pobreng tawo ibinaba sa gilid kan tinampo ta naghirahay kan motor......

Blue Tooth

May babaeng naglakaw -- nalingawan na bukas an biruli (zipper kan pantalon)
An sabi kan solterong pogoso sa hababang tingog ----
"Miss, miss, open tabi an bluetooth - sadahi an ta baad ma virus"